भदौ १५ धनगढी
बाजुराको हिमाली गाउँपालिकामा उत्पादीत किवीले बजार पाउन सकेको छैन । सो गाउँपालिकाको वडा नं. १ देउसैन बिच्छ्याका किसानले उत्पादन गरेको किवीले बजार पाउन नसकेको हो ।
करिब ३ महिनादेखी मार्तडी कोल्टी सडक अवरुद्ध हुँदा बारीमा फलेको किवी बजार सम्म पु¥याउन नसकिएको किसानहरुले बताएका छन । स्थानिय वडाबासीहरुका बारीमा लटरम्म फलेका किवी बजार अभावका कारण बारीमै कुहिने अवस्थामा पुग्न थालेपछि किसान चिन्तीत बनेका छन । उनिहरुले बजारीकरणका लागि पालिकालाई सहयोग गरिदिन आग्रह गर्न थालेका छन ।
स्थानिय कृषक आदेश थापाले फलेको किवीलाई बजार सम्म पु¥याउन नसक्दा कुहिने र झर्ने क्रम बढेको बताए । उनले बजार सम्म पु¥याउन सक्ने सहज अवस्था नभएका कारण गाउँपालिकाबाट बजारीकरणका लागि सहयोग मिल्छ की भन्ने आशा रहेको बताए ।
स्थानीय बजारमा खपत हुने अवस्था नभएकाले उत्पादीत किवी जिल्ला सदरमुकाम वा अन्य ठुला बजारसम्म पु-याउनुपर्ने अवस्था छ । तर सडकको अवस्थाका कारण त्यो सम्भव नहुँदा किसानहरु मर्कामा परेका हुन । उनिहरुलाई किवीको व्यावसायिक खेती अघि बढाउन पनि चुनौती देखिएको छ ।
किवीको बजारीकरणका लागि पालिका वा स्थानिय सरकारले सहयोग गरे किवी खेती नै वडामा आम्दानीको राम्रो स्रोत बन्ने किसानहरु बताउँछन ।
फेस नेपाल संस्थाको आर्थिक सहयोगमा लगाइएका किवी बोटले लगाएको तीन वर्षमै राम्रो उत्पादन दिन थालेका छन् ।
उत्पादन राम्रो भए पनि बजारीकरण हुन नसक्दा कृषक चिन्तित बनेका हुन । किवी फल मानव स्वास्थ्यका लागि लाभदायी मानिने भएकाले यसको माग बढ्ने सम्भावना भए पनि अहिले बजारीकरणको समस्या समाधान नभएसम्म किसानहरू निराश हुन बाध्य भएका छन् ।
