हेमा भट्ट
भदौ १८ मंगलबार
कञ्चनपुर : कृष्णपुर नगरपालिका वडा नं ८ विचवामा नेपाली महिलाहरुको महान चाड हरितालिका तिजको अवसरमा शुभकामना आदानप्रदान सम्पन्न भएको छ।
कृष्णपुर नगरपालिका वडा नं ८ विचवाका दिदिबहिनिहरुको सकृयतामा भएको महिलाहरुको तिज विशेष शुभकामना आदनप्रदान कार्यक्रममा प्रमुख अतिथि सुदूरपश्चिम प्रदेश सभा सदस्य माननीय गिता चौधरीको आतिथ्यता तथा विशिष्ट अतिथि कृष्णपुर नगरपालिका ८ का वडा अध्यक्ष दिनेश खड्का कृष्णपुर ९ का वडा अध्यक्ष कैलाश बलायर अतिथिमा वडा न ८ का वडा सदस्य हरु लगायत बिभिन्न संघ सस्थाका जनप्रतिनिधि महिला दिदिबहिनीहरुको बाक्लो उपस्थिति रहेको थियो। कार्यक्रमका विशिष्ट अतिथी दिनेश खड्काले बोल्दै अहिले समयमा तिज विशेष सम्बन्धि विविध कार्यक्रम हुन गैइरहेको हुँदा संरक्षण सम्बर्द्धनमा टेवा पुर्याईरहेको र अर्को तर्फ विभिन्न कार्यक्रम मार्फत महिला सशक्तीकरणमा बृहत् भुमिका खेलेको हुँदा विशेष रुपमा हेरिएको बताएका थिए।
त्यसैगरी कार्यक्रमका प्रमुख अतिथि प्रदेश सभा सदस्य माननीय गिता चौधरीले समयानुसार तिज पनि परिवर्तनशिल हुँदै गएको बताइन् ।खासगरी महिलाहरुले तिज अब मौलिक चाड पर्वको रुपमा मान्दै जानू पर्ने बताउदै अबका दिनमा महिलाहरु कमजोर नभएको र सिकेका कुराहरुहरु घरमा गयर ब्यबहारिक रुपमा प्रयोग गरि अगाडी बढ्न समेत आग्रह गर्दै सम्पूर्ण दिदिबहिनीहरुमा शुभकामना ब्यक्त गरेकी थिइन्
कृष्णपुर नगरपालिका वडा ८ विचवा तिज समारोह कार्यक्रमका सदस्यद्वारा सहजिकरण गरिएको कार्यक्रम धर्मा रावलको सभापतित्वमा भएको थियो। कार्यक्रमका सभापति धर्मा रावल भाटले उपस्थित सम्पुर्णलाई धन्यवाद तथा तिज कार्यक्रम सफलताको शुभकामना दिदै कार्यक्रम समापन भएको घोषणा गरेकी थिईन।
