नेपाली सेना आज रातिदेखि तैनाथ

खेमराज भट्ट, भाद्र २४।
काठमाडौ -देशभर बढ्दै गएको अशान्ति, लुटपाट र आगजनीजस्ता घटनालाई नियन्त्रण गर्न सरकारले नेपाली सेना तैनाथ गर्ने भएको छ।

रक्षा मन्त्रालयअन्तर्गत नेपाली सेनाको जनसम्पर्क तथा सूचना निर्देशनालयले सोमबार विज्ञप्ति जारी गर्दै नागरिक जीवन र सार्वजनिक सम्पत्तिमा क्षति पुर्‍याउने गतिविधि रोक्न सेनाले प्रत्यक्ष रुपमा भूमिका खेल्ने स्पष्ट गरेको हो।

भाद्र २४ गते राति १० बजेदेखि नेपाली सेना र अन्य सुरक्षा निकायहरु स्थिति नियन्त्रणमा खटिने उल्लेख गरिएको छ। सेनाले सम्पूर्ण नागरिकलाई सहयोगका लागि अपिल गर्दै भनेको छ—
“नेपाल र नेपालीको सुरक्षाका लागि आफ्नो प्रमुख जिम्मेवारी पूरा गर्न सेनाले दृढ रहिनेछ।”

सुरक्षाको अवस्थाको पुनर्मूल्याङ्कन गरी आवश्यकता अनुसार थप सूचना सार्वजनिक गरिने पनि सेनाले जनाएको छ।