काठमाडौं, २९भदौ २०८२ – राष्ट्रपति रामचन्द्र पौडेलले तीन जना मन्त्रीको नियुक्ति गरेका छन्। राष्ट्रपतिको कार्यालयका प्रेस सल्लाहकार किरण पोखरेलका अनुसार, नियुक्त हुने मन्त्रीहरू यस प्रकार छन्:
कुलमान घिसिङ – उर्जा मन्त्रालय, नेपाल विद्युत् प्राधिकरणका निवर्तमान कार्यकारी निर्देशक
रामेश्वर खनाल – अर्थ मन्त्रालय, पूर्वअर्थसचिव
ओमप्रकाश अर्याल – कानुन मन्त्रालय र गृहमन्त्री, अधिवक्ता
नयाँ मन्त्रीहरूले सोमबार शपथ ग्रहण गर्ने तय भएको छ।
यसअघि पूर्व प्रधानन्यायाधीश सुशीला कार्कीलाई अन्तरिम सरकारको प्रधानमन्त्री चयन गरिएको थियो। प्रधानमन्त्री कार्कीले Gen Z टोलीसँगको छलफलपछि मन्त्री सिफारिस गरेपछि राष्ट्रपतिले नियुक्ति प्रक्रिया पूरा गरेका हुन्।
मन्त्री चयनको प्रक्रिया सहज भने थिएन। धेरै गैरराजनीतिक व्यक्तिका दाबीहरू देखिएपछि निर्णयमा केही सकसपूर्ण परिस्थितिहरू सिर्जना भएको बताइएको छ।
राजनीतिक विश्लेषकहरूले यस नियुक्तिलाई अन्तरिम सरकारको स्थायित्व र दक्ष प्रशासनको प्रयासका रूपमा व्याख्या गरेका छन्।
